Харилцаа холбоо, мэдээллийн технологийн газрын удирдлагууд үүрэн операторын үйлчилгээ үзүүлдэг компаниудын үйл ажиллагаатай танилцлаа. Уулзалтад Харилцаа холбооны зохицуулах хорооны удирдлагууд ч мөн байлцаж, үүрэн операторын үйлчилгээ үзүүлдэг дөрвөн байгууллагын хийсэн ажлууд, цаашид хийх ажилтай нь танилцсан юм. Түүнчлэн уулзалтад оролцсон байгууллагууд тулгамдаж буй асуудлуудаа тайлбарлаж, шийдвэрлэх арга замын талаар харилцан санал солилцлоо. Мөн Харилцаа холбоо, мэдээллийн технологийн газраас гаргасан бодлого, шийдвэрийг дэмжин хамтран ажиллахаа илэрхийлэв.
