Мэдээллийн технологи, шуудан, харилцаа холбооны газрын дарга Ц.Жадамбаа, Монголын програм хангамж үйлдвэрлэгчдийн холбооны ерөнхийлөгч Ж.Тамир нар хамтын ажиллагааны санамж бичигт 2015 оны 10 дугаар сарын 14-ний өдөр гарын үсэг зурлаа.
Талууд харилцан бие биеийн эрх, ашиг сонирхол, бие даасан байдлыг хүндэтгэн, хоёр байгууллагын хамтын ажиллагааг эрчимжүүлэх замаар Монгол Улсад Үндэсний програм хангамж үйлдвэрлэгчдийн салбарын хөгжлийг олон улсын түвшинд хүргэх, төрийн үйлчилгээг цахим хэлбэрт шилжүүлэх үйл ажиллагаанд үндэсний аж ахуй нэгжийн оролцоог хангах, тэднийг нэгтгэх, төр хувийн хэвшлийн байгууллага хооронд хурдтай мэдээлэл солилцож, мэдлэгт тулгуурласан мэдээлэлжсэн нийгмийг байгуулахад эрмэлзэн ажиллахаар боллоо.
