Тус газрын удирдлагууд БНХАУ-ын Шуудангийн товчооны Зах зэээл удирдлага, хяналтын газрын ерөнхий захирал Хан Руилин тэргүүтэй төлөөлөгчдийг 2015 оны 10 дугаар сарын 9-ний өдөр хүлээн авч уулзлаа. Уулзалтаар хоёр улсын шуудангийн салбарын шинэчлэл, дэвшилтэт технологи, ложистикийн тээвэрлэлтийг шинэ төвшинд гаргах асуудлаар хамтын ажиллагааг цаашид өргөжүүлэх талаар санал солилцлоо. Мөн 2012 онд байгуулсан Харилцан ойлголцлын санамж бичгийн хэрэгжилтийг хангуулан, хоёр талд тулгарч буй асуудлуудыг хэлэлцэн шийдвэрлэхээр тохиролцлоо. Төлөөлөгчид Монгол Шуудан ТӨХК-ний удирдлагатай уулзан, тус компаний үйл ажиллагаатай нь танилцлаа.
