Харилцаа холбоо, мэдээллийн технологийн газрын даргын 2016 оны 12 дугаар сарын 28 –ны өдрийн А/61 тоот тушаалаар “Төрийн мэдээлэл солилцооны системийн талаар баримтлах бодлогын чиглэл” батлагдсантай холбогдуулан “Үндэсний дата төв” УТҮГазраас төрийн мэдээлэл солилцооны системийг сайжруулах ажлыг шат дараатай гүйцэтгэж байна.
Үүний нэг ажил нь Төрийн мэдээлэл солилцооны системийг технологийн шийдлийн хувьд нээлттэй эхийн платформ дээр суурилан хөгжүүлэлтийг хийж эхэлсэн. Мэдээлэл солилцооны системийн “Enterprise Service Bus” архитектурт тулгуурлан хөгжүүлснээр аюулгүй байдал, найдвартай ажиллагааг хангах ба төрийн байгууллага хооронд мэдээлэл солилцоход хурдан шуурхай, хялбар болно.