Тус газраас Монгол Улсаа төлөөлөн АНУ-ын цахиурын хөндийд хөл тавьж буй “Алкэмист техноложис” компаний залуусыг хүлээн авч уулзаж амжилт хүслээ. МТҮП-ын инкубатор компани болох “Алкэмист Техноложис” ХХК-ий залуус дэлхий дахинаа алдартай АНУ-ын “Силикон Валли”-д ажиллах, санхүүжилт босгох зэрэг тал бүрийн гарц Монголчуудын өмнө нээлттэй байгааг таниулах, өөрсдийгөө сургах мэдлэг хуримтлуулах цаашлаад бизнес хамтрагчаа олох зорилготойгоор Монголоо төлөөлөн СанФранциско хотыг зорилоо.
Өнөөгийн технологийн шинжлэх ухааны өлгийн нутаг нь яах аргагүй Цахиурын хөндий буюу Силикон Валли юм. Манай дэлхийн хамгийн том технологийн компаниуд эндээс төрөн гарч зуу зуун гарааны бизнес эрхлэгч компаниуд дэлхий даяар үйл ажиллагаа явуулахаар зэхэж Силикон валлид бойжиж байна.
Монгол Улсаас тус улсыг зорьж буй “Алкэмист Техноложис” ХХК нь МТҮП-аас хэрэгжүүлж буй хөтөлбөрийн дагуу явж байгаа анхны Монгол компани нь бөгөөд тэнд байх 2 сарын хугацаанд хөрөнгө оруулагчдын уулзалтанд оролцохоос гадна “Global Startup-2015” тэмцээнд оролцож, оюун ухаан мэдлэг чадвараа сорих юм.
Монголын гарааны бизнесийг “Силикон Валли”-д нутагшуулахад гүүр болох бидний зорилго ажил болж хэрэгжиж эхэллээ.
Их зорилгыг өвөрлөн явсан Инкубатор компаний залуустаа амжилтыг хүсэн ерөөе.