Ерөнхий сайдын ивээл дор зохион байгуулагдах “Хиймэл дагуул-Бидний гараар” уриатай “КАНСАТ” үндэсний гуравдугаар тэмцээн зохион байгуулагдах гэж байна.
МТШХХГ-ын дарга Ц.Жадамбаа “КАНСАТ” үндэсний гуравдугаар тэмцээнд оролцох ШУТИС-ийн МХТС-ийн “SUPERCOM” баг, ШУТИС-ийн МТС-ийн нэг баг, МУИС-ийн ШУС-ийн хоёр баг, ШУТИС-ийн МХТС-ийн “SICT DDISH” баг, Батлан хамгаалахын их сургуулийн “Тэнгэрийн Харуул” баг, Хөдөө аж ахуйн их сургуулийн ИТС-ийн нэг баг нийт долоон багийн гишүүдийг хүлээн авч уулзлаа.
Тэрээр “Энэхүү уралдааны үндсэн зорилго нь Монголын инженерүүд, эрдэмтэн судлаачид, оюутан залуус болон олон нийтийн байгууллагуудыг сансар судлал, сансрын технологийг хөгжүүлэн нутагшуулах, үндэсний хиймэл дагуул хөөргөх, эзэмших, ашиглах ажилд татан оролцуулах, улмаар олон улсын түвшинд нийцсэн үндэсний сонирхогчийн хиймэл дагуул зохион бүт
эж ашиглах, сансрын инженерчлэл болон сансар судлалын боловсролыг хөгжүүлэх, сансрын инженерчлэлийн мэргэжилтэнг дотооддоо бэлтгэх бааз суурийг бэхжүүлэх явдал юм” гээд тэмцээнд оролцогчдод амжилт хүслээ.
“КАНСАТ” үндэсний гуравдугаар тэмцээнийг “Мэдээлэл Холбооны Сүлжээ” ТӨК, “Исатком” ХХК, Мобиком корпораци ХХК, “Монкабель Системс” ХХК болон “ДДэшТВ” ХХК зэрэг мэдээлэл холбооны тэргүүлэгч компаниуд ивээн тэтгэж байна.
