“Төр хувийн хэвшлийн түншлэл – 2015” өдөрлөг амжилттай зохион байгууллаа.
Мэдээллийн технологи, шуудан, харилцаа холбооны газраас жил бүр нээлттэй хаалганы өдөрлөгийг уламжлал болгон зохион байгуулдаг билээ.
Энэ жил “Төр хувийн хэвшлийн түншлэл -2015” сэдвээрТөрийн ордны Их танхимд 2015 оны 1 дүгээр сарын 15 ны өдөр амжилттай зохион байгууллаа.
Мэдээлэл харилцаа холбооны салбарын төрийн болон хувийн хэвшлийнхэн өргөнөөр оролцсон бөгөөд МТШХХГ-ын дарга Ц.Жадамбаа үг хэлж өдөрлөгийг нээв.
Төр хувийн хэвшлийн хамтын ажиллагааг сайжруулах чиглэлээр хамтран ажиллах талаар илтгэлүүд тавигдлаа. Үүнд: Үүрэн холбооны оператар компаниудаас Скайтел ХХК-ий Бизнес хөгжүүлэлтийн албаны захирал Ц. Пүрэвдорж “Хөдөлгөөнт холбооны дараа үеийн технологи, чиг хандлага, Жи-Мобайл ХХК-ий сүлжээ, техник төлөвлөлтийн хэлтсийн дарга Г.Оюунбаяр Хөдөөгийн холбооны талаар, Юнител ХХК-ий Контент, хөгжил төлөвлөлтийн албаны захирал Г.Барс IPTV, контент хөгжүүлэлт, Мобиком порпораци ХХК-ий Технологийн газрын захирал Б.Тэмүүдэр “Төр хувийн хэвшлийн түншлэл”, Програм хангамжийн чиглэлийн компаниудаас Интерактив ХХК-ий захирал Б.Ууганбаяр Програм хангамж хөгжүүлэлтийн чиг хандлагын талаар, ШУТИС, МХТС-ийн захирал Б.Сүхбат Салбарын хүний нөөцийн хөгжил сэдвээр, МУИС-ийн ХШУИС-ийн багш Г.Амарсанаа Төрийн нээлттэй өгөгдлийг Монгол Улсад хөгжүүлэх боломж сэдвээр, Монголын шуудангийн холбооны гүйцэтгэх захирал Б.Золбадрал Шуудангийн үйлчилгээ эрхлэгчдийн өнөөгийн байдал, тулгамдаж буй асуудлууд, Датаком ХХК-ий ерөнхий захирал Г.Энхболд Интернэт хаягийг Монгол хэлээр гэсэн сэдвээр, Мэдээллийн тэргүүлэх сайтуудын холбооны гүйцэтгэх захирал Г.Анархүү Мэдээллийн сайтуудын зах зээлийн өнөөгийн байдал, тулгамдаж буй асуудлуудын талаар, Шинэ долгион радио ФМ 107.5-ын захирал Ц.Ариунаа Үйлчилгээ эрхлэгчдийн өнөөгийн байдал, тулгамдаж буй асуудлуудын талаар, Мэдээлэл холбооны дэд бүтэц, угсралтын ажил эрхлэгчдийн холбооны захирал Л.Мөнхбат Үйлчилгээ эрхлэгчдийн өнөөгийн байдал, тулгамдаж буй асуудлууд сэдвээр, Монголын телевизүүдийн холбоо, ТВ-5 Телевизийн дэд захирал Э.Дагиймаа Өргөн нэвтрүүлгийн зохицуулалт сэдвээр, Харилцаа холбооны зохицуулах хорооны дарга Б.Балгансүрэн Салбарын зохицуулалтын асуудал, авч хэрэгжүүлэх арга хэмжээс эдвээр тус тус илтгэл тавилаа.
Нээлттэй өдөрлөгийг хааж МТШХХГ-ын дарга Ц.Жадамбаа тус газраас 2015 онд авч хэрэгжүүлэх арга хэмжээний талаар танилцууллаа.
