Монгол маркийн музей Төв шууданд байршлаа
Монгол Маркын түүхт 90 жилийн ой энэ өдрүүдэд тохиож байна. Ойн хүрээнд Монгол шуудан ТӨХК-иас олон ажил хийж хэрэгжүүлж байгаа бөгөөд “Шинэ марк 2014.10.07” уулзалт өдөрлөг Төв шуудангийн дугуй танхимд боллоо. Энэхүү арга хэмжээнд Мэдээллийн технологи, шуудан, харилцаа холбооны салбарын үе үеийн зүтгэлтнүүд, удирдлагууд хүрэлцэн ирж, сэтгэгдлээ хэлэв. Өдөрлөгийн үеэр Төв шуудангийн хоёр давхарт нүүн ирж нутагшиж буй Монгол Маркын шинэ музейг нээлээ. Энэхүү музейгээс 90 жилийн хугацаанд Монгол улсын түүхийн хуудсыг маркын он тооллоор дарааллуулан харах боломжтой юм. 1924 оноос түүхээ бичиж буй МОНГОЛ МАРК-ын ховор нандин бүхнийг МАРКЫН МУЗЕЙ энэ удаад дэлгэж байгаа юм.
