Япончууд дэлхийн хамгийн хурдан “Fugaku” хэмээх супер компьютерыг бүрэн хөгжүүлж дуусгажээ. Тус шинэ компьютерыг Японы Рикен институт боловсруулсан бөгөөд 415 петафлоп /хурд тооцоолох нэгж/ дээр ажиллах чадвартай юм.
Энэ нь Oak Ridge үндэсний лабораторийн IBM-ийн боловсруулсан хамгийн сүүлийн үеийн супер компьютерын хурднаас секундэд гурав дахин илүү хурдаар тооцоолол боловсруулдаг байна. Эх сурвалжийн мэдээлж буйгаар Рикен институт “Fugaku” компьютерыг бүтээхэд нэг тэрбум ам.доллар зарцуулсан бөгөөд хөгжүүлэхэд 10 жилийг зарцуулсан гэжээ.
Систем нь ARM дэд бүтэц дээр суурилсан ба энэ нь ихэвчлэн ухаалаг гар утсанд ашигладаг загвар юм. Анх удаа ARM систем дээр суурилсан супер компьютер нь бусад Intel эсвэл AMD загварын чипээс хамаардаг өрсөлдөгчдөөсөө онцгой ялгарч чадсан байна.
Мөн энэхүү супер компьютер нь үйлдвэрлэлийн хүчин чадал, хиймэл оюун ухаан, асар их дата анализ хийх хүчин чадлыг нэг дор багтааснаараа шинэ рекорд тогтоожээ. Урьд нь ямар ч систем эдгээрийг нэг дор багтааж байгаагүй юм. “Fugaku”-г ирэх жилийн дөрөвдүгээр сард бүрэн ашиглалтад оруулахаар төлөвлөж байгаа аж.
Эх сурвалж: Hype Beast